På vegne av venner - Kristoffer Schau

Kristoffer Schau, mest kjend som komiker frå sjåv som team antonsen, ville gå i kommunale gravferder. Kvifor må det offentlege arrangere gravferd? Den døde har ingen familie att og ingen venner. Kristoffer Schau ynskte å finna ut kva dette var og være der. Sto presten der heilt aleine? Kva sa han eigentleg?
Dette er ei godt skriven bok, og han skildrer godt einsemda i desse situasjonene. Utruleg sterkt!

Kjør! - av Helene Guåker

Denne boka var facinerande å lesa. Eg er ikkje spesielt interessert i bil sjølv, men det er denne hovudpersonen! Marianne har meir peiling enn gutta! Og interessa har ho hatt sida ho var 7-8 år gamal. Og ho er mykje meir interessert enn bror sin. Og då den 3 år eldere broren hadde vitjing av kameratar med moped, var ho rask bortpå for å sjå.
I fyrste kapittel vaknar Marianne på sjukehuset. Og ho hugser ikkje kva som er skjedd. Etter kvart får ho greie på at ho har kræsja med bilen og fosteret ho hadde i magen er dødt. Mykje av romanen handlar om vegen attende til Chevellen etter ulykka. Og om det vanskelege forholdet til kjæresten. Foreldra hennar synest ho har feil interesse og støtter ikkje opp i det heile.
Dette er ei spanande bok. Ein får innsyn i råne og mekkemiljøet.

Bokomtaler

Hei lesere

No har det vore bloggtørke ei stund på bibliotektruverda. Men no er dei fleste bøkene delt ut og eg kan vera bibliotekar att. Ah, det er herleg. Eg held på og føreby brukeropplæring og, men det får bli nærare haustferien. Eg skal vitja alle 1. klassane med eit opplegg om informasjonskompetanse, kjeldekritikk og kjeldetilvisning.
Vonar det er nokon som les omtalane og anna eg legg ut.

Stille dager i Mixing Part

Skriven av Erlend Loe.

Charlotte Isabell Hansen

Dette var ei artig bok. Ho var fengande og morsom. Charlotte Isabell Hansen er den 3. boka om Jarle Klepp. No bur han i ei liten kåk i Bergen og studerer litteraturvitenskap, eit framifrå smalt emne. Han lever studentlivets dager med fest og venner og diskusjoner. Plutseleg dumpar eit brev ned i postkassa hans. Han er far til ei jente på 7 år. Dette kjem som eit sjokk på Jarle. Hans seksuelle debut for sju år sidan resulterte i ei dotter?? Han kan mest ikkje tru det. Ho bur saman med mora og den nye kjæresten hennar i Skien og brått kjem ho på vitjing hjå Jarle, den ordenlege faren. Dette byr på mange overraskelser for Jarle og mora hans som uanmeldt kjem på vitjing.
Dette er ei bok om tilhørighet og kjærleik og varme. Utruleg godt skrive. Ei god sumarbok.

Sameland

I helga tar eg med meg Sameland for å lese ho. Omtale kjem på måndag
Sjå kva www.bokelskere.no seier om boka: http://bokelskere.no/bok/sameland/206669/

Dette er ei utruleg underhaldande bok. Perfekt for ein forsommardag i ein solfylt hage. Ungkarane Roy og Leif jobbar på postkontoret i Kirkenes men synest livet er traust og kjeisamt. Då kjem Leif på ideen om å laga ein fornøyelsespark der japanarar kan være same for ein dag eller to!! Turistane skal få utdelt samekofte og reinsdyr når dei kjem. Får å få til denne parken, treng dei to lavoer, ein sjaman, nokre reinsdyr og noko startkapital. Alt dette går ikkje heilt etter planen. Boka har eit lett og greit språk. Anbefalast.

Velkomen til bibliotek(tru)verda

Kjære alle besøkande.
Dette er ein blogg for alle som treng inspirasjon til å lesa bøker. Her kjem eg til å leggja ut bokmeldingar spesielt med tanke på elevar i den vidaregåande skule, då eg er bibliotekar ved Stord vgs.
God lesning! - og sjølvsagt er bloggen på nynorsk.